ઇઝરાયેલના સૈન્ય ઠેકાણાં પર હિઝબુલ્લાહનો રોકેટ એટેક, અમેરિકાની આ વાત માનવાનો પણ ઈન્કાર કર્યો
ઈઝરાયેલે અહેવાલ આપ્યો છે કે હુમલાને નિષ્ફળ બનાવી દેવામાં આવ્યો છે અને કોઈ જાનહાનિ થઈ નથી. પશ્ચિમ એશિયામાં યુદ્ધવિરામના પ્રયાસમાં, બ્લિંકન ઇઝરાયેલના વડાપ્રધાનને મળ્યા હતા.
- પશ્ચિમ એશિયામાં યુદ્ધવિરામના પ્રયાસમાં, બ્લિંકન ઇઝરાયેલના વડાપ્રધાન બેન્જામિન નેતન્યાહુને મળ્યા હતા.
- એવું માનવામાં આવે છે કે અમેરિકામાં ૫ નવેમ્બરે યોજાનારી રાષ્ટ્રપતિની ચૂંટણી પહેલા વોશિંગ્ટનનો આ છેલ્લો મોટો પ્રયાસ છે.
- ૭ ઓક્ટોબર, ૨૦૨૩ ના રોજ ઇઝરાયેલ પર હમાસના હુમલા બાદ બ્લિંકનની પશ્ચિમ એશિયાની આ ૧૧ મી મુલાકાત.
હિઝબુલ્લાએ ઇઝરાયેલના બે સૈન્ય મથકો પર રોકેટ હુમલાનો દાવો કર્યો છે. અમેરિકી વિદેશ મંત્રી એન્ટની બ્લિંકન ઈઝરાયેલ પહોંચ્યા તેના થોડા કલાકો પહેલા જ તેમણે રોકેટ છોડ્યું હતું. જોકે, ઈઝરાયેલે અહેવાલ આપ્યો છે કે હુમલાને નિષ્ફળ બનાવી દેવામાં આવ્યો છે અને કોઈ જાનહાનિ થઈ નથી.
પશ્ચિમ એશિયામાં યુદ્ધવિરામના પ્રયાસમાં, બ્લિંકન ઇઝરાયેલના વડાપ્રધાન બેન્જામિન નેતન્યાહુને મળ્યા હતા. એવું માનવામાં આવે છે કે અમેરિકામાં ૫ નવેમ્બરે યોજાનારી રાષ્ટ્રપતિની ચૂંટણી પહેલા વોશિંગ્ટનનો આ છેલ્લો મોટો પ્રયાસ છે. ૭ ઓક્ટોબર, ૨૦૨૩ના રોજ ઇઝરાયેલ પર હમાસના હુમલા બાદ બ્લિંકનની પશ્ચિમ એશિયાની આ ૧૧મી મુલાકાત છે.
ઘણા વિસ્તારોમાં સાયરનનો અવાજ સંભળાયો
ઈરાન સમર્થિત હિઝબુલ્લાએ કહ્યું કે તે લડાઈ વચ્ચે ઈઝરાયેલ સાથે કોઈ વાતચીત કરશે નહીં. બ્લિંકનના આગમનના કલાકો પહેલા મંગળવારે સવારે તેલ અવીવ અને મધ્ય ઇઝરાયેલના કેટલાક વિસ્તારોમાં સાયરનના અવાજો સંભળાયા હતા. હિઝબુલ્લાએ કહ્યું કે તેણે તેલ અવીવ અને હૈફા નજીકના સૈન્ય લક્ષ્યોને નિશાન બનાવ્યા છે.
ઈઝરાયેલની મિલિટરી ઈન્ટેલિજન્સના ગ્લાઈલોટ બેઝ પર રોકેટ છોડવામાં આવ્યા હતા. જ્યારે ઇઝરાયેલની સેનાએ કહ્યું કે લેબનોનથી પાંચ રોકેટ છોડવામાં આવ્યા છે. તેમાંના મોટાભાગના તોડી પાડવામાં આવ્યા હતા અને તે એક ખુલ્લા વિસ્તારોમાં પડ્યા. આ હુમલો એવા સમયે કરવામાં આવ્યો છે જ્યારે ઇઝરાયલે લેબનોનમાં હિઝબુલ્લાહ વિરુદ્ધ સૈન્ય કાર્યવાહી તેજ કરી છે. લેબનોનના આરોગ્ય મંત્રાલયે જણાવ્યું હતું કે હુમલો સોમવારે મોડી રાત્રે બેરૂતની મુખ્ય હોસ્પિટલ નજીક થયો હતો.
ઈઝરાયેલના હવાઈ હુમલામાં ૧૩ લોકો માર્યા ગયા
ઈઝરાયેલના હવાઈ હુમલામાં ૧૩ લોકો માર્યા ગયા અને ૫૭ ઘાયલ થયા. જો કે, ઇઝરાયેલની સેનાએ કહ્યું છે કે તેણે હિઝબુલ્લાના એક બેઝને નિશાન બનાવ્યું છે.
નેતન્યાહુના ઘર પર થયેલા હુમલાની જવાબદારી લીધી
ઈઝરાયેલના વડાપ્રધાન નેતન્યાહુના ઘર પર ડ્રોન હુમલાની સંપૂર્ણ જવાબદારી હિઝબુલ્લાએ લીધી છે. તેમણે એ પણ સંકેત આપ્યો કે ભવિષ્યમાં આવા વધુ હુમલા થઈ શકે છે. ઈઝરાયેલના પીએમ કાર્યાલયે કહ્યું હતું કે શનિવારે ડ્રોન હુમલામાં નેતન્યાહુના નિવાસસ્થાનને નિશાન બનાવવામાં આવ્યું હતું. જો કે તે સમયે નેતન્યાહુ કે તેમની પત્નીમાંથી કોઈ પણ ત્યાં ન હતા.
