હળવદના ચાડધ્રા ગામે સ્વ.માધુભા ગઢવીની પ્રથમ પુણ્યતિથિ નિમિત્તે ભવ્ય લોકડાયરો

આ તકે સ્વ. માધૂભા ગઢવીના સુપુત્ર અને હાલ સુરત ગ્રામ્ય પી.એસ.આઇ તરીકે ફરજ બજાવતા જયરાજભાઈ ગઢવી દ્વારા જણાવ્યું હતું કે ” તેઓના પિતા સ્વ. માધૂભા ગઢવીએ તેઓના જીવનમાં ખુબજ ઉદાર દિલી રાખી છે. રેલવેમાં પ્રોટેક્શન ફોર્સમાં ફરજ બજાવ્યા બાદ અંતના પાચ વર્ષનો કાર્યકાળ બાકી હોય તેવા સમયે પોતાના ગામ ચાડધ્રા માટે કઈક કરી છૂટવાની ભાવના માટે નોકરીમાંથી રાજીનામું આપી જાહેર જીવનમાં આવ્યા હતા. પ્રથમ વખત સરપંચની ચૂંટણીમાં બિન હરીફ થયા બાદ ગામની કાયાપલટ કરવા હંમેશા તત્પર રહેતા માધૂભા ગઢવી દ્વારા તે સમયે સૌ પ્રથમ પોતાનું ગામ સ્વચ્છ બનાવવા ભારતનું લગભગ પ્રથમ અભિયાન છેડ્યું હતું. જે બાદ ચાડધ્રા ગામને દેશનું સૌથી સ્વચ્છ ગામ તરીકે કેન્દ્ર સરકાર દ્વારા એવોર્ડ પણ એનાયત કરાયો હતો. આ સાથે પોતાના સરપંચ તરીકેના 20 વર્ષના કાર્યકાળમાં રોડ રસ્તા અને સ્વખર્ચે શિવાલય, વિહત માતાજીનું મંદિર તથા રામજી મંદિરનું નિર્માણ કરાયું હતું. રાજકીય જીવનની સાથે સ્વ.માધૂભા ગઢવી ઉદાર દિલ પણ હતા હિન્દુ શસ્ત્રોની માન્યતા મુજબ તેઓ દ્વારા તમામ મહત્વના દાન એટલે કે ગૌ દાન, ભૂમિ દાન, ક્ધયા દાન સહિતના દાનમાં પણ ઉદાર હાથે દાન કર્યું હતું. સ્વ.માધૂભા ગઢવીનું અંતિમ સ્વપ્ન પોતાના ગામ ચાડધ્રા ખાતે ભાગવત કથાનું આયોજન કરવા માટેનું હતું જેથી અંતિમ ક્ષણોમાં તેઓના હયાતીમાં મહાન કથાકાર જીગનેશ દાદાના કંઠે સતત નવ દિવસીય ભાગવત કથાનું આયોજન કર્યું હતું જે કથાના નવમા દિવસે પૂર્ણ થતાં જ પોતાનો દેહ છોડયો હતો.”