લગ્ન ભલે બીજા સાથે કર્યા હોય, પરંતુ ‘લિવ-ઇન’માં રહેતા યુગલોને સુરક્ષાનો હકઃ હાઈકોર્ટ

યશ પાલ વિરુદ્ધ રાજ્ય સરકારના એક મામલાની સુનાવણી કરતી વખતે જસ્ટિસ સુરેશ્વર ઠાકુર અને જસ્ટિસ સુદીપ્તિ શર્માની બેન્ચે કહ્યું કે, આવા લિવ-ઈન રિલેશનશીપના સામાજિક અને નૈતિક પ્રભાવ છતાં, એ યુગલોને વિવિધ સ્વરુપોમાં સ્વાયત્તતા પણ આપવામાં આવી છે.

હાઈકોર્ટની બેન્ચે કહ્યું કે, જ્યારે લિવ-ઈન રિલેશનશીપમાં રહેતા યુગલોમાંથી કોઈ એક વિવાહિત છે, તો આ પ્રકારના સંબંધમાં રહેતા લોકોના સંબંધિત પરિવારના સભ્ય કે કોઇ નૈતિક દેખરેખ રાખનાર દ્વારા ધમકી આપવામાં આવે છે. આ રીતે આવા લિવ-ઈનમાં રહેતા યુગલોને સુરક્ષાનો દાવો કરવાનો હક છે.

જોકે, હાઈકોર્ટે એમ પણ કહ્યું કે, લિવ-ઈન રિલેશનશીપમાં રહેતા યુગલોમાંથી કોઈ પણ સાથીને જો કોઇ સગીર બાળક છે, તો કોર્ટે માતા-પિતાને તેના બાળકની દેખરેખ રાખવાની સૂચના આપી શકે છે. સિંગલ બેન્ચના જજે પોતાના ચુકાદામાં કેટલાક પ્રશ્નો ઉઠાવ્યા હતા.

કોર્ટે પૂછ્યું હતું કે શું જો લિવ-ઈનમાં રહેનાર બે વ્યક્તિ ઉચિત અરજી દાખલ કરીને પોતાના અને સ્વતંત્રતાની સુરક્ષા ઈચ્છે છે, તો કોર્ટને તેમની લગ્નની સ્થિતિ અને એ મામલાની અન્ય પરિસ્થિતિઓની તપાસ કર્યા વિના તેમને સુરક્ષા પ્રદાન કરવાની જરુરિયાત છે.

ઉપરાંત, કોર્ટે એમ પણ કહ્યું હતું કે જો ઉપરોક્ત પ્રશ્નનો ઉત્તર નકારાત્મક છે, તો એવી કઇ પરિસ્થિતિ છે, જેમાં કોર્ટે તેમને સુરક્ષા આપવાનો ઈનકાર કરી શકે છે? આ ચુકાદા પછી પીડિત યુગલે હાઇકોર્ટની ડબલ બેન્ચનો દરવાજો ખટખટાવ્યો હતો.