Surendranagar : જોરાવરનગર પોલીસ મથકના ફરજમાં રૃકાવટના ગુન્હા માં ફરાર બે આરોપી ઝડપાયા
– જોરાવરનગર પોલીસ મથકની ઘટના
– ખેરાલુ તાલુકાના ડાભોડાના બંને શખ્સો એક વર્ષથી પોલીસને ચકમો આપી નાસતા ફરતા હતા
જોરાવરનગર પોલીસ મથકના ફરજમાં રૃકાવટના ગુન્હામાં છેલ્લા એક વર્ષથી નાસતા ફરતા બે આરોપીઓને ઝડપી પાડી કાયદેસરની કાર્યવાહી હાથધરી છે.
સુરેન્દ્રનગર જિલ્લામાં અલગ-અલગ ગુનાઓમાં છેલ્લા ઘણા સમયથી નાસતા ફરતા આરોપીને ઝડપી પાડવા ખાસ ડ્રાઈવ ચાલી રહી છે. જે અંતર્ગત પેરોલ ફર્લો સ્કવોડની ટીમે જોરાવરનગર પોલીસ સ્ટેશન વિસ્તારમાં પેટ્રોલીંગ હાથધર્યું હતું. જે દરમ્યાન ટેકનીકલ અને હ્યુમન સોર્સની મદદથી જોરાવરનગર પોલીસ મથકની હદમાંથી ફરજમાં રૃકાવટના ગુનામાં છેલ્લા એકવર્ષથી નાસતા ફરતા બે આરોપીઓ બળવંત દોનાજી ઠાકોર રહે.ડાભોડા તા.ખેરાલુ અને અરશનજી ઉર્ફે હર્ષદ સાંતુજી ઠાકોર રહે.ડાભોડા તા.ખેરાલુંવાળા બન્ને ડ્રાઈવરને ઝડપી પાડી જોરાવરનગર પોલીસ મથકે સોંપી કાયદેસરની કાર્યવાહી હાથધરી છે.
