નાસાનું નાઈટહોક મિશન: મંગળના રહસ્યો ઉકેલવા ઉડે વિશાળ ડ્રોન
અમેરિકન સ્પેસ એજન્સી નાસા હવે મંગળ ગ્રહના રહસ્યોને ઉકેલવા માટે એક વિશાળ અને હાઈટેક ડ્રોન મોકલવાની તૈયારીમાં છે. આ નવી પહેલને “નાઈટહોક મિશન” નામ આપવામાં આવ્યું છે, જેમાં SUV જેટલા કદનું ડ્રોન મંગળ પર મોકલાશે.
240 દિવસ સુધી મંગળ પર રહેશે
આ ડ્રોન ઓછામાં ઓછા 240 દિવસ સુધી મંગળ પર રહી એવી મહત્વની માહિતી મોકલશે જેનાથી મંગળની જૂની જ્વાળામુખી પ્રવૃત્તિ, પાણીની હાજરી અને માનવ વસાહત માટે શક્યતાઓ જેવી વિગતો મળશે.
નાઈટહોક કેવી રીતે કામ કરશે?
આ ડ્રોનમાં છ રોટર અને છ બ્લેડ હશે, જે મંગળના પાતળા વાતાવરણમાં પણ સારી રીતે ઉડી શકશે. નાસાની માનો તો, આ ડ્રોન પૂર્વી નોક્ટિસ લેબિરિન્થસ વિસ્તારને ઢાંકી જશે, જે પ્રાચીન જ્વાળામુખીઓથી ભરેલો વિસ્તાર છે.
3 ખાસ પેલોડ હશે
- OCCAM કેમેરા સિસ્ટમ: 8 કેમેરાવાળી કલર ઈમેજિંગ સિસ્ટમ.
- NIRAC સ્પેક્ટ્રોમિટર અને કોન્ટેક્ટ કેમેરા: મંગળની સપાટીનો અભ્યાસ કરશે.
- PMWS અને ન્યુટ્રોન ડિટેક્ટર: પાણીની હાજરી શોધશે.
માનવી માટે ભવિષ્યનો રસ્તો ખુલશે?
નાસાના સંશોધકોના જણાવ્યા પ્રમાણે, આ ડ્રોન માત્ર માહિતી નહીં લાવે પરંતુ માનવ વસાહત માટે યોગ્ય વિસ્તારો શોધવામાં પણ મદદરૂપ થશે.
ખાસ શું છે આ ડ્રોનમાં?
આ ડ્રોન સામાન્ય ડ્રોન કરતા ઘણું મોટું અને શક્તિશાળી છે. NASAએ સ્પષ્ટ કર્યું છે કે સામાન્ય હેલિકોપ્ટરથી આ કામ નહીં ચાલે, એટલે ખાસ હાઈટેક હેલિકોપ્ટર તૈયાર કરવામાં આવી રહ્યું છે.
