અમેરિકા વ્યાપી ટ્રમ્પ વિરૂદ્ધ રોષ
અમેરિકા આખા દેશમાં રવિવારથી શનિવાર સુધી પ્રમુખ ડોનાલ્ડ ટ્રમ્પની નીતિઓ વિરુદ્ધ ભારે પ્રદર્શન થઈ રહ્યા છે. દેખાવકારો કહી રહ્યા છે કે તેઓ વધતા જતાં જાહેર રોષને એક મોટું આંદોલન બનાવવા માંગે છે.
હજારો લોકો રેલી અને પરેડ માટે એકત્ર થયા હતા – ખાસ કરીને ન્યૂયોર્ક, વોશિંગ્ટન અને શિકાગો કરતા અન્ય શહેરોમાં ભાગ લેતા લોકોની સંખ્યા ઓછી રહી. ન્યૂ યોર્ક ટાઈમ્સના અહેવાલ અનુસાર, જામટથી લઈને લોસ એન્જેલિસ સુધી લગભગ 400થી વધુ રેલી યોજાઈ હતી. દેખાવકારોએ કટોકટીના સમાચાર, નોકરીઓમાં છટણી, અર્થતંત્રની નબળી નીતિઓ અને નાગરિક અધિકારોના ભંગ અંગે ચિંતા વ્યક્ત કરી.
ટ્રમ્પ પર આરોપો – લોકશાહીની અણદેખી અને નાગરિક હક ભંગ
દેખાવકારોએ ટ્રમ્પ પર કાયદાના શાસનને નષ્ટ કરવાનો અને સામાન્ય નાગરિકોના અધિકારો દબાવવાનો આરોપ મૂક્યો છે. અહેવાલ મુજબ, 20 જાન્યુઆરીએ ટ્રમ્પે પ્રમુખ પદ સંભાળ્યા બાદથી આ આ ગ્રૂપનું ચોથું મોટું વિરોધ પ્રદર્શન છે. અગાઉ ‘નાઇન કિંગ્સ ડે’ના નામે 17 ફેબ્રુઆરીએ એક મોટું વિરોધ થઈ ચુક્યું છે. તે વખતે ટ્રમ્પે સોશિયલ મીડિયામાં પોતાને ‘રાજા’ જાહેર કરતાં વિરોધ વધુ તીવ્ર બની ગયો હતો.
લક્ષ્ય છે – દેશની લોકશાહીને સુરક્ષિત રાખવી
આંદોલનના પ્રવક્તા હેધર ડનએ કહ્યું કે આ એક શાંતિપૂર્ણ પ્રદર્શન છે, અને તેનો ઉદ્દેશ કોઈને નુકસાન કરવો નથી. આંદોલનનો ધ્યેય દેશને એકતા તરફ લાવવો અને બંધારણની રક્ષા કરવી છે. તેઓએ ઉમેર્યું કે ડેમોક્રેટ, રિપબ્લિકન અને ઇન્ડિપેન્ડન્ટ જેવી જુદી-જુદી વિચારધારાના લોકો પણ આંદોલનમાં જોડાઈ રહ્યા છે. બધાનો એક જ સપનો છે – એક સાચી સરકાર, જે જનતાની ભલાઈ પહેલા મૂકે.
અમેરિકી જનતા મુશ્કેલીમાં છે
પ્રમુખ ટ્રમ્પની સરકાર સામેના આંદોલન પાછળ અનેક કારણો છે. તેમના ટેરિફ પોલિસીથી અર્થતંત્રને નુકસાન થયું છે, શેર બજારમાં ઘટાડો આવ્યો છે અને બેરોજગારી વધી છે. કેન્દ્ર સરકારની નોકરીઓમાંથી છટણી, માનવ અધિકારોના ભંગ અને અનેક કડક નિયંત્રણો લોકોને અસ્વસ્થ બનાવી રહ્યા છે.
આ ઉપરાંત, કેટલાય લોકો ટ્રમ્પ અને એલન મસ્કની નીતિઓને દેશ માટે ખતરો માને છે. વ્હાઇટ હાઉસના પ્રેસ પૂલમાંથી મોટાં સમાચાર સંસ્થાઓને દૂર કરવી અને ઇમિગ્રેશન નીતિમાં બદલાવથી પણ લોકોમાં રોષ ફેલાયો છે. પરિણામે, સમાજમાં અસંતોષ સતત વધતો જોવા મળી રહ્યો છે.
