જોહાનિસબર્ગ, દક્ષિણ આફ્રિકા – પ્રિન્સ હેરી જોડાયેલી આફ્રિકન ચેરિટી ‘આફ્રિકન પાર્ક્સ’એ કોંગોના ઓડઝાલા-કોકોઆ નેશનલ પાર્કમાં તેમના રેન્જરો દ્વારા આદિવાસી સમુદાયો પર દુર્વ્યવહાર થયાનું સ્વીકારી લીધું છે.
આ રેન્જરો સામે બાકા જાતિના આદિવાસીઓ પર અત્યાચાર, મારપીટ, યાતના અને અંધાધૂંધ દુર્વ્યવહારના આક્ષેપો છે. કેટલાક કેસોમાં બળાત્કાર અને ટોર્ટ્ચરની પણ ફરિયાદ છે. આ આરોપોની તપાસ માટે સંસ્થાએ લંડન સ્થિત માનવઅધિકાર ફર્મ ‘ઓમ્નિયા સ્ટ્રેટેજી’ને નિમણી હતી.
સંસ્થાએ જણાવ્યું કે તેમને 2023ના મધ્યભાગમાં આ ફરિયાદોની જાણ થઈ હતી અને તેમાંના કેટલાક ગુનાઓ છેલ્લા 15 વર્ષમાં બનેલા હોવાની શકયતા છે.
આફ્રિકન પાર્ક્સનું કહેવું છે કે તેઓએ અનેક ત્રુટિઓ ઓળખી કાઢી છે અને હવે તેઓ એક સ્વતંત્ર પેનલ નિમશે કે જે તમામ ગંભીર ફરિયાદોની તપાસ કરશે અને જવાબદાર કર્મચારીઓ સામે કાર્યવાહી કરશે.
કોંગોનો માનવ અધિકાર સંગઠન CAD આ પગલાને જવાબદાર ગણાવીને દુષિત કર્મચારીઓ સામે કડક પગલાં લેવાની માંગ કરી છે.
આ ચેરિટીને EU, US અને જાણીતા હસ્તીઓ – જેમ કે ટેઇલર સ્વિફ્ટ – તરફથી પણ ફંડ મળ્યું છે. જોકે, હવે તેની ‘ફોર્ટ્રેસ કન્ઝર્વેશન’ પદ્ધતિની ભારે ટીકા થઈ રહી છે, જેમાં સ્થાનિક લોકોના હક્કો નકારવામાં આવ્યા છે.
