આવકવેરા રિટર્ન ફાઇલ કરવાની સમયમર્યાદામાં વધારો, CBDTએ નવી અંતિમ તારીખ જાહેર કરી
સેન્ટ્રલ બોર્ડ ઓફ ડાયરેક્ટ ટેક્સ (CBDT) એ 27 મે, 2025ના રોજ મહત્વપૂર્ણ જાહેરાત કરી છે. CBDTએ આવકવેરા રિટર્ન (ITR) ફાઇલ કરવાની છેલ્લી તારીખ 31 જુલાઈ, 2025માંથી વધારીને હવે 15 સપ્ટેમ્બર, 2025 કરી છે.
આ નિર્ણય આવકવેરા વિભાગ દ્વારા X (હવે Twitter તરીકે ઓળખાતું) પર કરવામાં આવેલી એક પોસ્ટ દ્વારા જાહેર કર્યો હતો. આ જાહેરાતના અનુસંધાનમાં, ઘણાં ટેક્સપેયર્સ માટે રાહતની લાગણી થઈ છે, ખાસ કરીને તેઓ માટે જેમને હજુ રિટર્ન ભરવાનું બાકી છે.
આ વધારાની સમયમર્યાદા પાછળનું કારણ પણ વિભાગે સ્પષ્ટ રીતે આપ્યું છે. વિભાગ અનુસાર, ITR ફોર્મમાં થોડાં મોટા ફેરફાર કરવામાં આવ્યા છે. આ બદલાવને કારણે ટેક્સપેયર્સ અને ચાર્ટર્ડ એકાઉન્ટન્ટ્સને નવા ફોર્મ્સને સમજવામાં અને તૈયાર કરવામાં વધુ સમય લાગતો હોય છે.
તે ઉપરાંત, સિસ્ટમ અપડેશન અને TDS (Tax Deducted at Source) ક્રેડિટ સંબંધિત ટેકનિકલ કાર્ય પણ હજુ પૂર્ણ થવાનું બાકી હોવાથી, વધુ સમય આપવો જરૂરી બની રહ્યો હતો.
તેથી હવે ટેક્સપેયર્સ 15 સપ્ટેમ્બર, 2025 સુધી પોતાના આવકવેરા રિટર્ન ફાઇલ કરી શકશે. જો તમે હજી સુધી રિટર્ન ફાઇલ ન કરી હોય, તો આ નવી સમયમર્યાદા તમને તૈયારી માટે પૂરતો સમય આપશે.
